Thirrja për Pjesëmarrës pjesë e iniciativës kombëtare “Transformimi i Përgjigjes Kombëtare ndaj Trafikimit të Qënieve Njerëzore në dhe nga Shqipëria”

Key Adviser Albania fton të rinjtë nga mosha 16 deri në 38 vjeç nga Bashkia Shkodër, Malësi e Madhe, Dibër dhe Bulqizë të aplikojnë për t’u bërë pjesë e programit për zhvillimin e aftësive. Ky program i dedikuar përfshin një seri trajnimesh në kuadër të iniciativës kombëtare “Transformimi i Përgjigjes Kombëtare ndaj Trafikimit të Qënieve Njerëzore në dhe nga Shqipëria”, i drejtuar nga #UNICEFShqiperi dhe financuar nga British Embassy Tirana.

Qëllimi kryesor i kësaj thirrje është parandalimi i fenomenit të trafikimit, duke ofruar mbështetje për individët dhe familjet pjesë e grupeve vulnerabël. Ky projekt është pjesë e programit për Mbrojtjen e Fëmijëve dhe Programit HT, me fokus në rritjen e aftësive personale, profesionale si ofrimin e mundësive për punësim dhe vetëpunësim për grupet në nevojë.

Pjesëmarrësit do të përfitojnë:

· Trajnime për aftësitë e buta,

· Trajnime për aftësitë bazë kompjuterike,

· Trajnime për strategji të fillimit të një Start Up,

· Ndërmjetësim për punësim në tregun e punës,

· Referime në kurset profesionale,

“Mbështetje financiare deri në 500,000 Lek për Start Up Ide për 8 pjesëmarrës që do të shpallen fitues në përfundim të programit”

Si të aplikoni:

Për të aplikuar, dërgoni CV tuaj dhe një letër interesi në info@keyadviser.al deri më datë 31.08.2024,

Mos e humbisni këtë mundësi për të zhvilluar aftësitë tuaja dhe për të ndihmuar veten në ndërtimin e një të ardhme më të mirë!